සුගත මුණි මහ සෑය ඉදිකිරීම | දඹුල්ල

PL000356

දඹුල්ල | ඉදිකිරීම්

ඓතිහාසික ශාසනික කර්තව්‍යයක් සඳහා සහය ලබාගැනීම සහ ගෞරවනීය ආරාධනය

දඹුල්ල කළුන්දෑව කලෝගහ ඇල පරණගම පුරාණ බෝධිමළු චිත්තවිවේකාශ්‍රම පුණ්‍ය භූමියේ 2021 වසරේ මංගල ශිලා ප්‍රතිස්ඨාපනය කරන්නට යෙදුන මධ්‍යම පළාතේ ඉදිවන විශාලතම මහ සෑ රජාණන් වන ශ්‍රී සුගත මුණි මහ සෑ රජුන් උතුම් බුදු සසුනට දායාද කරලීමට මේ වන විට බොහෝ පිරිසක් ඉමහත් උන්නදුවෙන් පසුවන බව සතුටින් දැනුම් දෙමු.

මධ්‍යම පළාතට, මුළු මහත් දිවයිනටම පමණක් නොව සමස්ථ බුදු සසුන වෙතට මහත් වූ ආශිර්වාදයක් වන මේ සෑ රජාණන් වහන්සේගේ ගෘහ නිර්මාණ සැලසුම් මේ වන විට සකස් කොට ඇති අතර එහි ඉදිකිරීම්වලට අදාල අනෙකුත් ශ්‍රමය, මූල්‍යමය, ප්‍රචාරණමය ආදී කටයුතු සම්බන්ධයෙන් සසුන් ලැදි ගිහි පැවදි විශාල පිරිසකගේ සහය ලැබෙමින් පවතී.

නමුදු මෙහි අඩි 200කට අධික උසකින් යුත් සෑ රජාණන් වහන්සේ ඉදිකිරීමේ කටයුතු යම් කාලයකින් ප්‍රමාද වූයේ කොරොනා වසංගතය නිසාත් පැවති දැඩි ආරථික අර්බුදය නිසාවෙනි.

එහෙත් මේ වන විට විද්‍යුත් මාධ්‍යවල සහය මේ සඳහා ලැබෙන බැව්න් විදේශයන්හි සිටින ශ්‍රී ලාංකිකයන්ගේ උදව් උපකාර ලැබෙමින් පවතී. ( මෙහි විස්තර 077 0567389 යන වට්ස් ඇප් අංකය මඟින් ලබාගත යැකිය.)

එම නිසා සුගත මුනි මහ සෑයේ කඩිනමින් පාදම ඉදිකිරීමේ උතුම් පුණ්‍ය මහෝත්සවය 2025 අප්‍රේල් මස 20 වන දින එ පින් බිම දෙවි බඹුන්ගේ සාධු නාද මැද, අහස් කුස සිසාරා, පුෂ්ප උපහාර පූජා, මඟුල් බෙර නාද, සෙත් පිරිත් සජ්ජායනා මැද වන්දනීය පූජනීය මහා සඟරුවනේත්, පින්වන්ත බොහෝ පිරිසකගේත් සාධු නාද මැද උදෑසන 8.30ට ආරම්භ වේ. ඔබගේ පැමිණීම හා දායකත්වය බලාපොරොත්තු වෙමු.

තෙරුවන් සරණයි!


ගිණුම් අංක 109061004651

(චෛත්‍යය සංවර්ධන කමිටුව . සම්පත් බැංකුව දඹුල්ල ශාඛාව)


ගිණුම් අංක 72461942 ලංකා බැංකුව දඹුල්ල ශාඛා


(උපුටා ගැනීම කලණ මිතුරු යොවුන් සදහම් අසපුව Facebook සමුහයෙනි)

pinkam.lk විසින් තොරතුරු තහවුරු කිරීමෙන් පසුව මෙය පලකරන ලදි.

අදාල සමාජ මාධ්‍ය ප්‍රචාර⁣යට පිවිසීමට පහත More Info අයිකනය ක්ලික් කරන්න.

මෙම සමාජ මාධ්‍ය ප්‍රචාරයේ අයිතිය මුල් හිමිකරුවන් සතුවේ.