රෝගී දරුවා සුවපත් කරගන්න මවක් විසින් කරණු ලබන ආයාචනයක් | අගලවත්ත

PL000238

අගලවත්ත | ඖෂධ /වෛද්‍ය උපකාර

අගලවත්ත, වේරගම, ස්වර්ණගම පදිංචි කවිඳු ලක්ෂාන් නමැති දරුවා මේ වන විට මොළයේ ස්නායු රෝගයකින් පීඩා විඳී. මෙම රෝගී තත්ත්වය නිසා ඇවිදගත නොහැකිව දරුවා ඇඳේ සිටින බව දරුවාගේ මව වන තිලානි පතිරාජ මහත්මිය 'දිවයින'ට පැවසුවාය.

ආසිරි රෝහලේ විශේෂඥ වෛද්‍ය සුනිල් පෙරේරා මහතාගේ වෛද්‍ය නිර්දේශය අනුව දරුවා වෙනුවෙන් ලබා දෙන බෙහෙත් සඳහා රුපියල් 15,000ක මුදලක් වැයවන බවත්. එතරම් මුදලක් පවා සොයා ගැනීම දුෂ්කර කටයුත්තක් බවත් ඇය කියා සිටියාය.

එබැවින් එම මුදල සොයා ගැනීමට පරිත්‍යාගශීලීන්ගේ උදව් අපකාර අවශ්‍ය බව ද ඇය සඳහන් කළාය. මෙහිදී තවදුරටත් කතා කළ තිලානි මහත්මිය මෙසේද කියා සිටියාය.

' පුතා 3 ශ්‍රේණිය දක්වා අගලවත්ත දාපිලිගොඩ ප්‍රාථමික විද්‍යාලයේ ඉගෙන ගත්තා. 2014 දී විතර දරුවාට උණ හැදිලා ඒක වැඩිවෙලා ෆිට් එක හැදුණා.

ඊට පස්සෙ හොඳ වුණා. ටික කාලයක් ඉස්කෝලෙ ගියා. පස්සේ ආයෙමත් ලෙඩ වුණා. දරුවාට ළමා රෝහලෙන් ප්‍රතිකාර ගත්තෙ. ඩොක්ටර් සුනිල් පෙරේරා මහත්මයා කමයි දරුවා බැලුවේ. මාසෙකට දරුවගේ බෙහෙත් වලට රුපියල් 15,000ක් යනවා. මගේ අනෙක් පුතා අපොස උසස් පෙළ කරලයි ඉන්නෙ. දරුවාගේ බෙහෙත් වලට තමයි හුඟක් වැයවෙන්නේ. මට ස්ථිර ආදායමක් නැහැ. දරුවාගේ බෙහෙත් ටික ගන්න උදව් කරනවා නම් ලොකු පිනක්. දරුවට ඇවිදින්න බැහැ. ඇඳේ තමයි ඉන්නෙ. මට දරුවා සනීප කරගන්න ඕනෙ. දරුවාගේ බෙහෙත් ටික ගන්න උදව් කරන්න පුළුවන් අය 0771-714725ට කතා කරන්න. 343952 අගලවත්ත ලංකා බැංකුව. ඒ මගේ ගිනුම් අංකය.

Bank account details:
N.Pathiraja
Account no 343952
BOC
Agalawatta Branch

(උපුටා ගැනීම නැති බැරි අයට උදවු කරමු. Facebook සමුහයෙනි)

pinkam.lk විසින් තොරතුරු තහවුරු කිරීමෙන් පසුව මෙය පලකරන ලදි.

අදාල සමාජ මාධ්‍ය ප්‍රචාර⁣යට පිවිසීමට පහත More Info අයිකනය ක්ලික් කරන්න.

මෙම සමාජ මාධ්‍ය ප්‍රචාරයේ අයිතිය මුල් හිමිකරුවන් සතුවේ.